မကွေး ဧပြီ ၂၉
အလုပ်သမား၊ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ လူဝင်မှုကြီးကြပ်ရေးနှင့် ပြည်သူ့အင်အားဆိုင်ရာ မကွေးတိုင်းဒေသကြီးဦးစီးမှူးရုံးက တိုင်းဒေသကြီးအတွင်း မြန်မာနိုင်ငံသား များဖြစ်ကြသော တိုင်းရင်းသားများနှင့်ဥပဒေအရနိုင်ငံသားများအား ဥပဒေနှင့်အညီ အိမ်ထောင်စု လူဦးရေစာရင်းနှင့် ကိုင်ဆောင်သင့်သော ကတ်ပြားတစ်မျိုးမျိုးထုတ်ပေးရေး ပန်းခင်း စီမံချက်နှင့် ပတ်သက်သည့် လုပ်ငန်းညှိနှိုင်းအစည်းအဝေးကို ဧပြီလ ၂၉ ရက် နံနက် ၉ နာရီ ချိန်က လူဝင်မှူကြီးကြပ်ရေးနှင့်ပြည်သူ့အင်အားဆိုင်ရာမကွေးတိုင်းဒေသကြီးဦးစီးမှူးရုံး အစည်းအဝေးခန်းမ၌ ကျင်းပပြုလုပ်သည်။
အစည်းအဝေးသို့ မကွေးတိုင်းဒေသကြီးအတွင်းရှိ ခရိုင်/မြို့နယ်ဦးစီးမှူးများ တက်ရောက် ခဲ့ကြပြီး အစည်းအဝေးအစီအစဉ်အရ မကွေးတိုင်းဒေသကြီး စီမံအုပ်ချုပ်ရေးကောင်စီအဖွဲ့ဝင် လူဝင်မှု ကြီးကြပ်ရေးနှင့်ပြည်သူ့အင်အားဆိုင်ရာ တိုင်းဒေသကြီးဦးစီးမှူး ဦးစိုးပိုင်မြင့်က ပန်းခင်း စီမံချက်နှင့် ပတ်သက်၍ အသေးစိတ်ရှင်းလင်းပြောကြားကာ အစည်းအဝေးသို့ တက်ရောက်လာကြသူ ခရိုင်/မြို့နယ် ဦးစီးမှူးများမှ မိမိတို့ ခရိုင်/မြို့နယ်အတွင်း လုပ်ဆောင်မည့် ပန်းခင်း စီမံချက်နှင့် ပတ်သက်သည့် အစီအမံများအား ရှင်းလင်းတင်ပြခဲ့ကြောင်းနှင့် အဆိုပါ စီမံချက်အား (၃.၅.၂၀၂၁)မှ (၃.၁၁.၂၀၂၂)ထိ စုစုပေါင်း စီမံချက် ကာလ (၁၈) လကြာ ဆောင်ရွက်သွားမည်ဖြစ်ကြောင်း သိရသည်။