မကွေး အောက်တိုဘာ ၁၀

မကွေးတိုင်းဒေသကြီးအတွင်း လက်နှက်/ခဲယမ်းများနှင့် မူးယစ်ဆေးဝါးများ ဖမ်းဆီးရမိခဲ့သည့် ဖြစ်စဉ်များတွင် စွမ်းစွမ်းတမံဆောင်ရွက်ခဲ့ကြသည့် လုံခြုံရေးတပ်ဖွဲ့ဝင်များအား ဂုဏ်ပြုချီးမြှင့်ခြင်းကို အောက်တိုဘာ ၁၀ ရက်နေ့ နံနက်ပိုင်းက မကွေးမြို့ နယ်မြေခံ တပ်နယ်ခန်းမ၌ ပြုလုပ်ရာ မကွေးတိုင်းဒေသကြီး ဝန်ကြီးချုပ် ဦးတင့်လွင်၊ အလယ်ပိုင်းတိုင်းစစ်ဌာနချုပ် တိုင်းမှူး ဗိုလ်ချုပ်ကိုကိုဦး နှင့် ဌာနဆိုင်ရာ တာဝန်ရှိသူများ လုံခြုံရေးတပ်ဖွဲ့ဝင်များ တက်ရောက်ကြသည်။

ဦးစွာ တိုင်းဒေသကြီးဝန်ကြီးချုပ်က ဂုဏ်ပြုအမှာစကား ပြောကြားပြီး၊ ဝန်ကြီးချုပ်နှင့် တိုင်းမှူး တို့က လက်နှက်/ခဲယမ်းများနှင့် မူးယစ်ဆေးဝါးများ ဖမ်းဆီးရမိခဲ့သည့် ဖြစ်စဉ်များတွင် စွမ်းစွမ်းတမံ ဆောင်ရွက်ခဲ့ကြသည့် လုံခြုံရေးတပ်ဖွဲ့ဝင်များအား ဂုဏ်ပြုဆုငွေများ ပေးအပ်ချီးမြှင့်ကြသည်။

ယင်းနောက် တိုင်းဒေသကြီးဝန်ကြီးချုပ်နှင့် အလယ်ပိုင်းတိုင်းစစ်ဌာနချုပ် တိုင်းမှူး တို့က ဖော်ထုတ်ဖမ်းဆီးရမိသည့် လက်နှက်/ခဲယမ်းနှင့် မူးယစ်ဆေးဝါးများအား ကြည့်ရှုခဲ့ကြကြောင်း သိရ သည်။